【OWP就快截止申請】 OWP三大疑問你要知

2017年3月之後畢業嘅朋友仔要最後衝刺申請OWP，仲剩返唔夠一年時間就截止報名，咁優惠嘅政策錯過咗就冇架啦！仲未知OWP係咩嚟？OWP指Open Work Permit開放式工作簽證，係加拿大專屬開放俾香港人嘅政策之一。拎到OWP就可以以臨時居留身份 (Temporary resident status) 合法地喺加拿大工作，最長為期三年。唔少人都會以申請OWP去銜接Stream B途徑，即係需要喺加拿大過去3年內最少有1年嘅工作經驗，就可以申請加拿大永久居留權（PR）。但申請OWP嘅Deadline係2023年2月7日，仲剩返唔夠一年時間，想申請嘅朋友要快手喇！

想知申請OWP有咩要求👉🏻👉🏻👉🏻OWP計劃傳送門

1️⃣需唔需要ECA學歷認證？

如果你係拎住5年內Degree、Master、Doctoral嘅學歷🎓，喺申請OWP係可以豁免提供學歷認證（ECA），但如果係Diploma (最少為期2年) 就必需要提供ECA。其實官方亦都有機會向Degree學歷申請者要求提供ECA，而且ECA報告的有效期為5年，未來又可以幫助到申請PR，所以不妨做埋佢！

2️⃣三年限期係幾時開始計？

成功申請OWP之後會批出Approval Letter📑，你可以喺收到Approval Letter三年內入境加拿大，而你喺入境時正式領取OWP當日就會開始計算3年期限。若果你嘅護照有效日期不足3年，係會令到OWP期限批唔足三年，所以喺申請前記得check👀清楚護照幾時到期。如果你係打算行Stream B (工作途徑)，記得要早啲申請，預留時間喺當地打工、申請PR等程序，所以唔好以為仲有好多時間剩啊！