初到加拿大必用：5 個衣食住行實用 Apps

依家係香港生活嘅你，基本上電話係出門口必備嘅物品，除咗聯絡用途外，更多人會裝交通工具 App，例如九巴、港鐵相關 App，咁係加拿大有啲咩 App 又係生活必備？依家就為各位講解。

衣食住行

衣 flipp：

衣食住行，以衣為先，當然就係要為各位講解各種商店優惠 App 啦，當中比較出名嘅，就是一款名為 Flipp 嘅 App，佢可以根據你目前嘅位置，提供一啲附近商店產品及價格，更有啲舖會同佢地合作，App 入面會有優惠劵，買嘢嘅時候，就可以更加抵啦。

下載位置：iOS / Android

加拿大版 Openrice：

香港嘅會係 Openrice，加拿大嘅用戶有唔少都會用 Yelp，佢同Openrice 一樣，可以根據你目前嘅位置提供附近餐廳資訊，當然亦可以對餐廳進行評價啦，你可以當佢係加拿大版嘅Openrice 咁就得啦。

下載位置：iOS / Android

住 Booking：

加拿大作為全球第 2 大面積土地嘅國家，想去一啲比較遠景點，當然唔會好似香港咁即日來回啦，多倫多去溫哥華探個朋友，都要搭飛機，咁尼個時侯，Booking 尼個 App 就可以幫到你，Book 唔同嘅酒店，等你可以安心休息。

下載位置：iOS / Android

行加拿大版 MTR？

除咗自己揸車，其實市中心嘅交通，都比較方便，當中你想要搭車自然會用佢哋嘅 App 啦

鐵路：VIA Rail

係加拿大嘅鐵路 App，可以幫你搵到前往目的地，應該點搭車之外，更可以提供到達時間，相當方便，唔怕因為唔知道幾時有車，而 Miss 咗班車。

下載位置：iOS / Android

Tripadvisor：係一個了解當地唔同景點嘅 App，亦可以用作一般路線搜尋嘅 App，一舉兩得。

下載位置：iOS / Android

以上嘅 App 未必一定最適合你，不過對於初到加拿大嘅你，相信都可以幫到你地手，更快融入當地嘅生活。