OWP deadline 陪你倒數！Stream AB 尾班車萬勿錯過！

唔少人依然會混淆OWP Stream A Stream B呢三種政策，以為OWP同Stream B一樣？究竟點樣計5年內畢業限期？OWP剩返唔夠一年時間就Deadline，特別係2018年畢業嘅朋友仔，如果唔小心計錯數，過咗時間就慘啦！就等小編用實例計一次俾大家睇，快啲睇吓你有冇計錯數！

OWP/Stream A/Stream B嘅分別？

Open Work Permit (OWP) 係一種開放式工作簽證，提供一個合法嘅臨時居留身份俾你可以喺加拿大工作，不限工種，工作限期長達3年；而Stream A、Stream B係拎永久居民身份 (Permanent Residency, PR) 嘅途徑。唔少人會利用申請OWP去加拿大儲1年嘅工作經驗再銜接Stream B申請PR，但往往會被申請deadline同自己5年內嘅學歷限期混淆。下列小編就幫大家用實例去計算一下啦！

打算利用OWP行Stream B嘅你：

假如你畢業證書列明2018年9月1日畢業：

你嘅學歷5年有限期去到2023年9月1日，亦係你申請PR嘅Deadline。按現時2022年3月計起，你剩返約1年6個月時間去處理你OWP申請、飛往加拿大、搵工、返一年Full Time同埋處理你Stream B - PR申請。提提大家上述時間仲未計算等候簽證同審批時間，所以千祈唔好計到盡，分分鐘一部分delay就可能令成個申請過左deadline！

假如你畢業證書列明2018年2月1日畢業：

你嘅學歷5年有限期去到2023年2月1日，亦係你申請PR嘅Deadline。按現時2022年3月計起，除非你已經喺加拿大返緊工，否則你已經唔夠時間行Stream B。嘩！同上面例子比較，原來差半年時間就已經變咗行唔到Stream B啦！不過，你仍然可以申請OWP去加拿大打工，利用傳統計分渠道，又或者選擇Stream A - 讀書途徑。正所謂條條大路通羅馬，只要你有決心就一定有方法嘅！

延伸閱讀： 【OWP就快截止申請】 OWP三大疑問你要知

打算行Stream A嘅你：

如果唔符合近5年內畢業嘅朋友仔，普遍會選擇Stream A - 讀書途徑，打算去加拿大認可嘅院校 (DLI) 讀書。

假如你打算喺2022年9年就讀2年嘅文憑課程：

按2022年9年就讀起計2年，即於2024年9月會完成學業。雖然申請PR嘅Deadline係2026年8月31日，看似仲有大把時間，但其實Stream A嘅考量更多，會好容易忽略，所以時間上嘅安排同計算都要好清楚明確。例如加拿大大部分課程入學時間係每年1月同9月，你就需要提早篩選同報讀課程，萬一心儀嘅課程滿額就要再等下季度，甚至要等多一年。今年9月學位課程都接近爆滿，如果你今年連第一步都未開始，時間就會白白浪費，所以你千祈唔好睇少收生呢一步呀！

延伸閱讀： Stream A整個過程究竟要花幾長時間？