行OWP/Stream A/Stream B容易遺忘但重要的小事！

相信大家都忙緊申請手續、考慮讀咩科、搵緊工，🇨🇦OWP剩返唔夠一年就截止申請，除咗要準備申請文件之外，大家可以會忽略當中好重要嘅小事🧐，甚至可能會影響到你攞PR！就等小編提提大家有邊幾樣野你一定唔可以忽視啦！

1️⃣ 記得Check清楚自己Passport有效期

提提大家記得申請簽證前Check清楚自己嘅passport嘅有效日期👀！特別提醒要申請OWP嘅你，如果你嘅護照有效期不足3年，你嘅OWP有效期同樣會不足3年。另外，不論行Stream A定Stream B，申請同領取PR嘅時候都必須要留係加拿大。如果你嘅護照有效期少過5年，小編就建議大家去續領你嘅護照啦！

2️⃣ 記得用特區護照申請簽證同買機票

去年2021年香港政府宣布咗不再承認BNO作為有效嘅旅行證件同身份證明✈️，唔可以喺香港出入境。當你入境加拿大嘅時候，入境人員會核對你所有資料，如果你申請程序同入境時用唔同嘅證件，會令你領取簽證增加風險，所以大家記得同樣用返特區護照去申請簽證同訂機票。

3️⃣ 記得預多啲時間處理簽證/PR申請

唔少人都希望盡量爭取多啲時間，喺香港準備充足之後先去加拿大，變相會好容易忽略咗審批所需時間。不論申請簽證或者PR，大家最好申請前準備好所需文件，同時亦要預多兩至三個月時間⏰，萬一需要其他文件都有充裕嘅時間去處理。提提大家喺未拎到PR都唔好掉以輕心，特別到申請PR嘅時間手續會更繁複，所需時間會更長，如果因補交資料而延誤申請時間就前功盡癈！

4️⃣ 記得入境時重要文件跟身

收拾行李係一項費神嘅事情，小編應該會直接所有野都船運去加拿大，但記住重要文件📑一定要Hand carry跟身，放寄倉行李都唔好呀！唔好以為申請好簽證就可以暢通入境，由香港離境、加拿大入境去到領取正式嘅簽證期間，相關人員都需要你出示相關嘅證明文件，例如出世紙、疫苗證明、畢業證書、入學信等等。文件Hand carry🧳跟身就方便隨時都可以提供，最理想當然準備曬Hand copy同Soft copy啦！

5️⃣ 記得唔好錯失機會

加拿大推出港人優惠政策嘅時候無提及過有冇名額限制，但需知道加拿大移民渠道有好多種，政策有機會隨時更改😨。PR途徑分分鐘有機會隨時喺2026年8月31日之前提早截止申請，所以千祈唔好拖到最後一刻先申請。小編講甘多次叫大家盡快申請都係希望大家唔好錯失今次難得嘅機會啫！